विद्यारंभ व्रताचा पाठपुरावा व विद्याव्रत संस्काराची पूर्वतयारी यांच्याशी सांगड घालत इयत्ता पाचवी ते सातवीचा अनुभव शिक्षणाचा अभ्यासक्रम निश्चित करणे.
प्रत्येक विद्यार्थ्याच्या सर्वांगीण नोंदी ठेवून त्या आधारे विद्यार्थ्यांना दिशादर्शक प्रतिसाद देण्याची रचना बसवणे.
निरीक्षण, प्रश्न व वाचन या तिन्ही कौशल्यांचा त्रिस्तरीय अभ्यासक्रम तयार करून कार्यान्वित करणे आणि मूल्यमापनाची रचना निर्माण करणे. तसेच वाचन कौशल्यांतर्गत अवांतर वाचनाचे वर्गश: उद्दिष्ट ठरवून वर्ग ग्रंथालय व डिजिटल ग्रंथालयाची व्यवस्था करणे.
विद्यार्थ्यांच्या अध्ययन संपादणूकीनुसार अधिकाधिक ४५ विद्यार्थी संख्येचे तीन वर्ग (अध्ययन संपादणूक कमी - मध्यम - आणि उत्तम असणारे) करून अध्ययन संपादणूकीनुसार अध्ययन-अध्यापन व मूल्यमापन पद्धती बसवणे.
पाठांतराचा वर्गश: अभ्यासक्रम तयार करून राबवणे.
विद्यार्थ्यांचा वयोगट लक्षात घेऊन पालक प्रबोधनाच्या विषयांची निश्चिती करून प्रशिक्षण योजना कार्यान्वित करणे.
